Foto: New York Post

Meksička novinarka Norma Sarabija ubijena je na jugoistoku zemlje i tako postala šesti novinar ubijen u Meksiku od početka ove godine, prenijeli su lokalni mediji.

Prema prvim informacijama, na Sarabiju su napadači pucali s motora u pokretu u blizini njene kuće u gradu Imangilo, a potom su pobjegli s lica mjesta.

Ubijena novinarka je 15 godina radila za list Tabasko oj i za druge lokalne medije.

Meksiko je treća najopasnija zemlja u svijetu za novinare, poslije Sirije i Avganistana. Prema navodima Reportera bez granica od 2000. godine ubijeno više od 100 novinara. Samo prošle godine je širom Meksika ubijeno deset novinara, mnogi slučajevi su ostali neriješeni.

Izvor: Glas Amerike

Tagovi: